Cwestiynau Cyffredin

Er y gallet ti gysylltu â ni unrhyw amser rhwng 8yb a hanner nos, ni allem ateb y tu allan i’r oriau yma. Ond paid poeni, bydd gen ti ddewis i gael cysylltu gyda Childline, Y Samariaid, neu Galw Iechyd Cymru.

Mae galwadau ffôn i Meic am ddim ac nid ydynt yn ymddangos ar filiau ffôn BT neu gebl. Ar hyn o bryd mae galwadau ffôn i Meic ar 0808 80 23456 yn rhad ac am ddim o’r holl rwydweithiau fel 3, BT Mobile, Fresh, O2, Orange, T Mobile, Virgin, Vodafone. Rydym ar ddeall na fydd y galwadau ffôn yn ymddangos ar unrhyw un o’r biliau hyn.

Cofia: bydd y rhif ffôn yn ymddangos yn y rhestr o rifau a ddeialwyd ar dy ffôn symudol fel 0808 80 23456. Os nad wyt am i bobl weld y rhif ar dy ffôn, cofia ei ddileu o dy restr galwadau.

Weithiau bydd goruchwylydd Meic yn gwrando ar yr alwad ffôn neu’n darllen dy neges destun, neges ar-lein neu neges WhatsApp i sicrhau bod cynghorwyr Meic yn dy helpu di yn y ffordd orau bosib.

Ni fyddwn yn cadw cofnod o dy negeseuon yma yn Meic ond byddwn yn cofnodi nifer y galwadau, negeseuon testun, negeseuon ar-lein a’r negeseuon WhatsApp y byddwn yn eu cael. Byddwn hefyd yn cofnodi pa fath o gymorth a roddwn ond nid ydym yn cadw unrhyw wybodaeth am y person a gafodd y cymorth hwnnw.

Pan fyddi di’n anfon neges testun i linell gymorth Meic gallwn ni weld negeseuon testun eraill a anfonwyd o’r rhif ffôn hwnnw ond ni fyddwn yn gwybod pwy wyt ti nac yn gwybod beth yw dy rif di.

Na, nid ydym yn gwybod beth yw dy rif ffôn os nad wyt ti’n dweud.

Na, dim ond os wyt ti eisiau.

Efallai y byddwn yn gofyn dy oedran a ble ti’n byw yng Nghymru fel y gallwn ddod o hyd i wybodaeth a fydd yn ddefnyddiol i ti. Ond ti sy’n rheoli beth rwyt yn ei ddweud wrthym.

Os wyt eisiau inni gysylltu â rhywun arall ar dy ran, neu gysylltu â sefydliad arall a allai fod o help i ti yn dy fywyd, efallai y byddi am roi dy enw, cyfeiriad, manylion cyswllt a gwybodaeth arall fel arall – ond dy ddewis di yw hynny.

Ni all unrhyw un ddarllen unrhyw negeseuon rwyt ti wedi’u hanfon i Meic neu a gefaist oddi wrth Meic cyn belled â dy fod yn cadw dy gyfrinair yn breifat. Mae’n bosib i rywun weld hanes y gwefannau rwyt ti wedi ymweld â nhw ar dy gyfrifiadur, ond gelli ddileu’r hanes.

Eiriolaeth yw helpu ti rannu dy feddyliau, dy deimladau a dy ddymuniadau am sefyllfa. Bydd eiriolwr yn gwrando arnat ti, helpu ti ddeall dy hawliau ac yn egluro dy opsiynau.

Weithiau, byddi di’n teimlo’n ddigon hyderus i godi llais drosot ti dy hun. Dyma beth yw hunan-eirioli. Ond mae adegau pan fydd cael rhywun arall yno i helpu yn ddefnyddiol iawn. Gallent fod yn ffrind neu’n frawd neu’n chwaer (eiriolaeth gyfoed), cymydog neu aelod o’r teulu (eiriolaeth anffurfiol), neu rywun proffesiynol fel athro neu weithiwr cefnogol (eiriolaeth ffurfiol).

Mae gwasanaethau eiriolaeth arbennig sy’n gwbl annibynnol o wasanaethau eraill. Dyma beth yw Eiriolaeth Broffesiynol Annibynnol (EBA) ac mae ar gael i rai pobl ifanc mewn sefyllfaoedd penodol.  Gall EBA dy helpu i ddeall dy hawliau, egluro dy ddewisiadau a gwrando ar be ti eisiau dweud. Y peth gwych am EBA ydy eu bod yn annibynnol, sy’n golygu eu bod yn gweithio i ti yn unig.